डोटीमा जीप दुर्घटना हुँदा चालकसहित दुईजनाको ज्यान गयो

डोटी । डोटीमा जिप दुर्घटना हुँदा दुई जनाको ज्यान गएको छ । आदर्श गाउँपालिका-६ रौसेल्ला भन्ने ठाउँमा भएको दुर्घटना भएको हो । सो दुर्घटनामा आदर्श गाउँपालिका-३ काँडीस्याउलेका करिब २२ वर्षीय जीप चालक सुबोध रोकाया र १९ वर्षीय कैलाश बिकको ज्यान गएको प्रहरीले जनाएको छ ।

राति करिब रााढे १२ बजे भएको दुर्घटनामा उनीहरुको घटनास्थलमै मृत्यु भएको हो । गिरिचौकाबाट काँडीस्याउलेका लागि छुटेको सु.प.प्र. ०१ ००१ च ३९२३ नं. को बोलेरो जिप घुम्तीबाट खसेको जिल्ला प्रहरी कार्यालय, डोटीले जानकारी दिएको छ । मृतक दुवैको शव र दुर्घटनाग्रस्त जिपसँगै सडकबाट करिब ९०० मिटर तल सायली गाडमा खसेको छ ।