नेप्से ७.७३ अंकले उकालो, २७९६ विन्दु नाघ्यो

काठमाडौँ ।  नेप्सेमा आज सामान्य वृद्धि देखिएको छ। सोमबार Nepal Stock Exchange परिसूचक ७.७३ अंकले बढेर २७९६.४३ विन्दुमा पुगेर बन्द भएको हो।

आज ३५१ वटा कम्पनीका १ करोड ९ लाख २८ हजार ६१७ कित्ता शेयर कुल ४ अर्ब ७४ करोड ८८ लाख ९ हजार १२७ रुपैयाँमा कारोबार भएको छ।

आज हाइड्रोपावर, लगानी, म्युचुअल फण्ड, अन्य र ट्रेडिङ बाहेक अधिकांश क्षेत्रका शेयर मूल्यमा वृद्धि देखिएको छ।

कर्पोरेट डेभलपमेन्ट बैंक, पाल्पा सिमेन्ट, शिखर पावर र माइ खोला हाइड्रोपावर कम्पनीका शेयरमा सकारात्मक सर्किट लागेको छ भने सिटी होटलको शेयर मूल्य १४.९९ प्रतिशतले वृद्धि भएको छ।

त्यसैगरी, निफ्रा ग्रिन इनर्जी डिबेञ्चरको शेयर मूल्य सबैभन्दा धेरै १४.०१ प्रतिशतले घटेको छ।

कारोबारका आधारमा रिलायन्स स्पिनिङ मिल्सले ३० करोड ७४ लाख रुपैयाँ बराबरको कारोबार गर्दै अग्रस्थानमा रहेको छ भने अन्खु खोला हाइड्रोपावरले २६ करोड १८ लाख रुपैयाँको कारोबार गरेको छ।