नेप्सेमा हरियाली, सूचक १६ अंकले बढ्यो

काठमाडौँ । साताको अन्तिम कारोबार दिन शुक्रबार नेपाल स्टक एक्सचेञ्ज (नेप्से) परिसूचकमा वृद्धि भएको छ । आज नेप्से १६.३८ अंकले बढेर २७५८.४९ विन्दुमा पुगेर बन्द भएको हो ।

आज ३३६ कम्पनीका १ करोड ८ लाख ८८ हजार ७३९ कित्ता शेयर खरिद–बिक्री हुँदा कुल ४ अर्ब ४९ करोड ८५ लाख १६ हजार ९४ रुपैयाँ बराबरको कारोबार भएको छ ।

कारोबारमा ट्रेडिङ समूह बाहेक सबै उपसूचक हरियाली देखिएका छन् ।

आज सबैभन्दा बढी क्रेष्ट माइक्रो लाइफ इन्सुरेन्सको शेयर मूल्य १४.८१ प्रतिशतले वृद्धि भएको छ । यता एनआइएसी एशिया ब्यालेन्स फन्डको शेयर मूल्य भने सबैभन्दा धेरै २.५९ प्रतिशतले घटेको छ ।

कारोबार रकमका आधारमा अन्खु खोला जलविद्युत अग्रस्थानमा रह्यो । कम्पनीको ४३ करोड ९५ लाख रुपैयाँ बराबरको शेयर कारोबार भएको छ । त्यस्तै, रिढी पावरको २४ करोड ५४ लाख रुपैयाँ बराबरको कारोबार भएको छ ।