नेपाल ए को शानदार जित, स्कटल्याण्ड ४५ रनले पराजित

काठमाडौँ । नेपाल ए ले  स्कटल्याण्डलाई  विरुद्ध शानदार जित दर्ता गरेको छ । माथिल्लो मुलपानी क्रिकेट मैदानमा बिहीबार सम्पन्न खेलमा नेपाल ए ले स्कटल्याण्डलाई ४५ रनले पराजित गरेको हो ।

नेपाल ए ले दिएको २७८ रनको लक्ष्य पछ्याएको स्कटल्याण्ड ४८.२ ओभरमा अलआउट हुँदै २३२ रनमा समेटियो । स्कटल्याण्डका ब्याटरहरूले सुरुआत राम्रो गरे पनि नेपाली बलरहरूको अनुशासित प्रदर्शनका कारण लक्ष्य भेट्टाउन सकेनन् ।

यसअघि टस जितेर पहिला ब्याटिङ गरेको नेपाल ए ले निर्धारित ५० ओभरमा ८ विकेट गुमाएर २७७ रन बनाएको थियो । नेपालका लागि देव खनालले सर्वाधिक ६३ रन बनाए भने मयन यादवले ४५ रनको योगदान दिए । त्यस्तै सन्दीप जोराले ३४ तथा पवन सराफले ३१ रन जोडेका थिए ।

जितसँगै उत्साहित नेपाल ए ले अब आफ्नो अर्को खेल शुक्रबार अमेरिकासँग खेल्ने तालिका रहेको छ ।