भोलिदेखि एसईई सुरु हुने

काठमाडौँ । भोली बिहीबारदेखि माध्यमिक शिक्षा परीक्षा (एसईई) सुरु हुँदै छ ।राष्ट्रिय परीक्षा बोर्ड परीक्षा नियन्त्रण कार्यालय कक्षा १० का उपनियन्त्रक विष्णुप्रसाद ज्ञावलीले परीक्षाको तयारी पूरा भएको बताए ।उनका अनुसार, परीक्षा बिहान ८ बजेदेखि सुरु हुनेछ । यसवर्ष ५ लाख १२ हजार ४ सय ७१ जना विद्यार्थी परीक्षामा सहभागी हुँदै छन् । एसईईका लागि देशभरका १ हजार ९ सय ६५ वटा र जापानमा एउटा गरी कुल १ हजार ९ सय ६६ परीक्षा केन्द्र तोकिएको छ ।

११ हजार ३ सय ७९ विद्यालयका विद्यार्थी परीक्षामा सहभागी भएका ज्ञावलीले बताए ।