नेपालभाषा चिबाखं साहित्यको ख्वाःपौ (मुखपत्र) विमोचन

ललितपूर । नेपालभाषा चिबाखं साहित्यको प्रवर्द्धन गर्ने उद्देश्यले ख्वाःपौ विमोचन तथा लघुकथा वाचन कार्यक्रम सम्पन्न भएको छ । शनिबार पाटन संग्रहालयको केशव नारायण चोक आयोजित एक कार्यक्रममा नरेश अमात्य, धुर्व मधिकर्मी, केदार सितु, बिमल ताम्राकार, सुरेन्द्रलाल भुजु, रिता महर्जन, दिव्या बज्राचार्य लगायतले उक्त ख्वाःपौ विमोचन गरे ।

सोही कार्यक्रममा नेपालभाषा चिबाखं साहित्यमा आउनु भएका व्यक्तित्व शान्तराज शाक्य तुल्सी साय्‌मि, नरेश महर्जन,पुष्पराज कर्णिकार, पूर्ण ताम्राकार,सुधीर ख्वबि, दीपक ख्वपलाई सम्मान पनि गरिएको थियो ।

कार्यक्रममा नेपालभाषा चिबाखं साहित्यका संयोजक नरेश अमात्यले स्वागत मन्तव्य व्यक्त गरे ।विष्णु केशरी ताम्राकार, तेज हमाल, रामेश श्रेष्ठ,कविन्द्रलाल प्रधान, मचाकाजी महर्जन, हरि गोविन्द भोमी लगायतले लघुकथा वाचन गरे । नेपाल भाषा चिबाखं साहित्य बारे  डा.पुष्पराज राजकर्णिकार, पूर्णकाजी ताम्राकारले आ-आफ्नो विचार व्यक्त गरेको उक्त कार्यक्रममा धुर्व मधिकर्मीको समालोचनात्मक टिप्पणी राखे ।
७७ जनाको सहभागिता रहेको उक्त कार्यक्रममा नेपालभाषा चिबाखं साहित्यका संयोजक नरेश अमात्यले स्वागत मन्तव्य व्यक्त गरे ।