प्रधानन्यायाधीश श्रेष्ठले आइतबार जिल्ला अदालत संखुवासभाको भवन उद्घाटन गर्दै

संखुवासभा । जिल्ला अदालत संखुवासभाको नवनिर्मित भवनको प्रधानन्यायाधीश विश्वम्भर श्रेष्ठले यही ज्येष्ठ ३० गते आइतबार उद्घाटन गर्ने भएका छन् ।

वि.सं.२०७१ सालदेखि भवन निर्माण कार्य सुरु भएको थियो । भवन निर्माण कार्य करिव ५ करोड रुपियाँको लागतमा सम्पन्न भएको हो । नवनिर्मित भवन आधुनिक र सुविधा सम्पन्न छ ।

यस नयाँ भवन निर्माणका कारण न्याय क्षेत्रमा काम गर्ने कर्मचारी तथा न्याय प्रदान गर्ने अधिकारी र सेवाग्राहीहरुलाई सेवा लिन र दिन सजिलो हुनेछ ।