काठमाडौं महानगरपालिकाले ३१औँ स्थापना दिवस मनायो

काठमाडौं: काठमाडौं महानगरपालिकाले आज सैनिक मञ्च, टुँडिखेलमा आयोजित विशेष कार्यक्रममा राष्ट्रपति रामचन्द्र पौडेलको उपस्थितिमा आफ्नो ३१औँ स्थापना दिवस मनाएको छ। महानगरपालिकाले प्रत्येक वर्ष नेपाली पात्रोअनुसार मंसिर २९ गते आफ्नो स्थापना दिवस मनाउने गर्दछ।

कार्यक्रमलाई सम्बोधन गर्दै राष्ट्रपति पौडेलले जनताबाट प्राप्त जिम्मेवारीलाई इमान्दारीपूर्वक आत्मसात् गर्दै राष्ट्र विकासमा समर्पित हुन सबैलाई आग्रह गर्नुभयो। उहाँले नवप्रवर्तनशील सोच, रणनीतिक योजना, दृढ संकल्प, ऊर्जा तथा इमानदारी र चरित्रमा आधारित नेतृत्वमार्फत मात्र यी लक्ष्यहरू हासिल गर्न सकिनेमा जोड दिनुभयो।